НАН
[ ир. ] зат есім. тамақ өнеркəсібі. 1. Бидай ұнына ашытқы салып, су қосып илеген қамыр. 2. Ашытқан қамырдан пешке пісірілген төртбұрыш, домалақ пішіндегі құрамында күш-қуат беретін дәрумендері көп тағам. 3. этнографиялық. Қазақ халқының материалды мәдениетінде барлық астан, тағамдардан қасиеті жоғары саналатын, ас атаулының атасы, негізгісі. 4. Асылған еттің сорпасына пісіріп, етпен бірге әкелінетін нан шелпек, қамыр, жайма. Нан ассортименті. тамақ өнеркəсібі. Қара бидай ұнының пеш табанында пісірілетін және жақсартылған, қара бидай және бидай ұнынан пісірілетін екінші, бірінші, жоғары сұрыпты ұннан пісірілетін нандардың жиынтығы. Нан ауыз тиді. этнографиялық. Дастарқанға келуге уақыты жоқ, үйге кіріпшыққан, асығыс шаруа мен келген адам дастарқанның берекесін берсін деп наннан алып жеп, ырымын жасады. Нанды кертпелеу. тамақ өнеркəсібі. Нанның кейбір сорттарының әсіресе майқоспа нандардың сыртқы беттеріне көлденең немесе ұзына бойына оймыштап пышақпен, қолмен немесе механизмдермен сызықтар салу. Нан жайды. Нанды жұқартты, жаймалап жұқалады. Нан жапты. Нанды пешке салып не қабырғасына жапсырып пісірді. Нан жауғыр. Молшылық болсын деген мағынадағы зілсіз қарғыс. Нан жерлік. Күн көрерлік, балашағасын асырарлық. Нан иледі. Нан немесе жайма еттің сорпаға пісетін шелпегін дайындау үшін ұнды тұзды суға араластырып, тұтқыр қамыр жасады. Нан квасы. тамақ өнеркəсібі. Қара бидай наны немесе уыт қосылған қара бидай ұнынан дайындалатын қышқылтым сусын. Нан кеуектілігі. тамақ өнеркəсібі. Ашытып пісірілген нан өнімдерінің ішіндегі майда кеуектердің болуы. Нан көмді. Нанды табаға салып, күлге көміп пісірді, нан жапты. Нан пісірді. Ашытқы қосып қамыр қойып, пешке, табаға нан салды. Нан пісіру. тамақ өнеркəсібі. Бидай, қарабидай т.б. дақылдар ұнына ашытқы, тұз, су, сондай-ақ сүт, жұмыртқа қосып қамыр илеп, көтерілген соң пешке пісіретін технологиялық процесс. Нан салды. жергілікті сөз. Пісіруге дайын қамырды табағасалып, пешке тықты. Нан сындырды. этнографиялық. Уәдеден тайсам, нан ұрсын деп қарғанды. Нан тепті. Арамтамақ, жатыпішер, астамшылық. Нан ұрсын [ атсын ]! Өтірік болса, несібесіз, ас-сусыз қалайын деген мағынада. Нан ұстады. Адал екендігін нан ұстап дәлелдеді. Нан үшін. Қу тірлік, күнкөріс үшін. Наным бар, наным бар дегенше. Бітпей жатқан шаруам бар дегенше. Нанын тауып жеді [ нан тапты ]. Күнін көрді, тамағын асырады. Нан ысты. жергілікті сөз. Етке салатын қамырды жұқалап жайды. Наны таусылды. Бұйырған ризығы, татар дәмі бітті, ажалы келді.