АТОМДЫҚ
сын есім. физикалық. Атомға қатысты, атомға тән. Атомдық батарея. физикалық. Радиоактивтік ыдырау кезінде бөлінетін энергия электрлік энергияға айналатын ток көзi. Атомдық заряд. әскери сөз. Ядролық қаруда (ракета, снаряд, бомба) қопарылыс тудыру үшін қолданылатын зат есім. Атомдық қозғалтқыш. техникалық. Көлік құралдарында (кемет. б) механикалық энергия көзi ретінде ядролық энергияны пайдаланатын қондырғы. Атомдық масса [ салмақ ]. физикалық. Химиялық элемент атомы массасының салыстырмалы бірлікпен көрсетілген орташа мәнi. Атомдық нөмір. физикалық. Атом нөмірi, атом саны. Атомдық спектр. физикалық. Еркін немесе әлсіз әсерлесетін атомдардың (мыс, газ, бу) жұтылу және шығару спектрi. Атомдық тор. физикалық. Құрамды бөліктердің рөлін бір-бірімен атомдық байланыс арқылы астасқан химиялық элементтер құрайтын кристалдық тор не кристалл. Атомдық тосқауыл. әскери сөз. Қарсыластың соғыс әрекетіне қарсы ядролық қарулар қолдану арқылы жасалатын бөгет. Атомдық энергия. физикалық. Атомдық қуат, күш. Атомдық ядро. химиялық. Нуклид атомының орталық құрылым элементі, өз бойында атомның басты массасы мен барлық оң зарядын шоғырлаған.