1омоним зат есім. 1. Жанған отынның сөнбеген қып-қызыл ыстық қалдығы. 2. ауыспалы мағына. Қызу, қуат. Шоқ басты. Бірден шыр ете қалды. Шоқ басқандай. Шағып алғандай. Шоқ басқандай шошынды. Жағасын ұстады, зәреқұты қалмады. Шоққа отырғызды. отырғызып кетті, алдады. Шоқ тастады [ салды ]. Екі елді не екі кісіні араздастырды, бірінебірін айдап салды.
2омоним зат есім. кен ісі. Таужыныс үңгімелерінде өте күрделі қиын жағдайда бірінің жанына бірі белгілі бір ретпен орнатылатын ағаш немесе темір діңгектер тобы. Шоқ шеген. кен ісі. Тазартып қазып алу қазбаларындағы үңгубет маңында кені алынған кеңістікпен шектескен жерде бұталар тәрізді бірінің жанына бірі 0,1–0,2 м қашықтықта орналасқан ағаш немесе металл тіреулер; кені алынған кеңістік төбесін реттеп отырғызу процесінде қолданылатын шегендердің бір түрі.
3омоним зат есім. Бір топ, уақ күлтеленген жіп, қайыс, мата шоғыры.
4омоним сын есім. Бір топ, шоқталған. Шоқ ағаш. Жазық жерде, шоғырлана, топ-топ болып өскен ағаш. Шоқ гүл [ гүл шоғы ]. Әдемілеп топтастырылған гүлдер. Шоқ қарағай. Көбінесе құмды топырақта өсетін, шағын аумақты қарағайлы орман. Шоқ мал. Топ-топ болып өрісте жайылып жатқан төрт түлік. Шоқ тоғай. Топталып, шоғырланып өскен тоғай. Шоқ төбeлep. Жeкe тұpған жатаған бұталаp шоқтаpының жанындағы құм үйінділepi.