ТҮТІН
зат есім. 1. Жаққан оттан будақтап, бықсып, шұбатылып шығатын көкшіл сұр немесе қара газ түріндегі қошқыл зат есім. 2. Темекі тартқанда мұрыннан, ауыздан деммен бірге шығатын зат есім. 3. термин. Газдарда салмақтанған жағдайда болатын ұсақ қатты бөлшектерден тұратын орнықты дисперстік жүйе. 4. ауыспалы мағына. Үй-жай, отбасы. 5. этнографиялық. Қазақ ауылының мамыра-жай тіршілігінің белгісі, ел іші. 6. ауыспалы мағына. Тұрмыс жағдайы. 7. Тамақ пісіріп, ас әзірлеп жатқан үйдің белгісі. 8. Ауылды жердің, елді мекеннің белгісі. Түтін айдау камерасы. әскери сөз. Әскери қызметшілерге газтұмылдырықтың сенімділігіне көзі жеткізу үшін және оларды уланған ауада (УЗ-пен уландырылған) қолдана білу дағдысын тексеру үшін бөлімшелердің жеке құрамын уландырғыш заттардың әлсіз концентрациясымен сынайтын арнайы герметикалық жабылатын ыдыс. Түтін [ ет, ас, тамақ ] аңдыды. жағымсыз. Байырғы қазақ тұрмысында дайын астың үстінен түсудi әдет қылған адам туралы айтылатын сөз. Түтін аңдығыш. жағымсыз. Дайын асқа түскіш, қазан торығыш. Түтін басы. Әр үй сайын. Түтін салды. а) Етті сүрлеу, ыстау үшін от жағып, түтін қойды. ә) Масадан, шыбыншіркейден қорғану үшін от жағып, бықсытып қойды. Түтін салды. а) Маса, шіркей т.б. жәндіктерден қорғану үшін отты бықсытып түтетті. ә) Жаңа сойылған етке шыбын қондырмау үшін отты бықсытып түтетті. Түтін түтетті. Өз алдына үй болды, отбасын құрды. Түтіні бір жерден шықты. а) Бірікті, тату болды. ә) Үйленді, қосылды. Түтінi бүтін. Жағдайы, тұрмысы жақсы, оңалған. Түтіні [ оты ] өшті. Бір шаңырақ, үйелмен жоқ болды, ұрпақ жалғаспады. Түтіні тура шықты. Тату-тәтті болды, бірікті. Түтіні түзу. Тілегі дұрыс, кеңпейілді, ақкөңіл, берекелі, тату-тәтті отбасы. Түтіні түзу шықсын! тіле к. Ұрыскеріссіз, тату болсын деген мағынадағы тілексөз. Түтіні түзу шықты. Ұрыскеріссіз, тату-тәтті өмір сүрді. Түтінін үзбей оқ атқан. бейнелі сөзқолданыс. Мерген, жауынгер.