СОР
1омоним зат есім. Кесір, кесапат, бақытсыздық, ауыртпалық. Сор айдады. Қырсық шалды, көресі азабы итермеледі. Сор болды. Азаптады, сорлатты. Сорға айналды. Басынан бақыты ауды. Сорға батты. Сорлады, қайғырды, сары уайымға түстi, қиындыққа ұшырады. Сорға біткен. Азап үшін жаралған, азап шеккен адам деген мағынада. Сор жеңді. Қырсық шалды, соры қайнады. Сор құмар. Жолы болмайтын, сормаңдай. Сор қысты [ түртті ]. Сор айдады. Сор маңдай. Қу маңдай, бақытсыз. Сор мінез. Зиянды, ерсі қылық, дәстүр. Сор тартты. Сор түртті, сор айдады. Соры арылмады. Бағы жанбады, азаптан құтылмады. Соры ашылмады. Бағы жанбады, қырсықтан арылмады. Соры бар. Көретін азабы көп, жолы ауыр. Соры бес елі [ қалың, көп ]. Тартар тауқыметі мен азабы мол, бейнеті көп. Соры қайнады. Азап тартты, бақытсыздыққа ұшырады. Соры қайнаған жігіт. Жанын қияр досы жоқ, жанашыр туыстуғаны жоқ, адал жары жоқ, өмірде жолы болмаған сормаңдай жігіт. Сорың құрғыр! Бақытың кесілгір!