МҰНАЙ
зат есім. техникалық. Түрлі жағармайлар алынатын, қара түсті, сұйық табиғи шикізат; суда ерімейтін, қара қоңыр түсті, өзіне тән иісі бар, май тәрізді қоймалжың, сұйық жанғыш қазба байлық; көмірсутектердің әртүрлі кластарының күрделі қоспасы. Мұнай газдары. Мұнаймен бірге кездесетін және одан сепараттау кезінде бөлінетін көмірсутек газдары. Мұнай геохимиясы. Мұнай геологиясының практикалық мәселелерді шешуге арналған химиялық зерттеумен айналысатын тарауы. Мұнай гидрогеологиясы. Жалпы гидрогеология ғылымының мұнай және газбен әрдайым бірге жүретін жерасты суларын жан-жақты зерттейтін қолданбалы саласы. Мұнай қашты. Мұнай ауды, тартылды. Мұнай өнеркәсібі. Экономиканың мұнай өндіру және өңдеу ісімен айналысатын саласы. Мұнай өнімдері. Көмірсутектер мен олардың туындыларының қоспасы; мұнай мен мұнай газдарынан алынатын жеке химиялық қосылыстар. Мұнай өнімдерінің тотығуы. химиялық. Мұнай өнімдерінің молекулалы оттекпен тотығу процесі (автототығу). Мұнай сулары. Жер қыртысының мұнайлы горизонттарындағы жерасты сулары. Мұнай химиясы. Химияның мұнай және табиғи газ құраушыларының құрамын, қасиеттерін және химиялық өзгерістері мен олар ды өңдеу процестерін зерттейтін саласы.