МЕЛИОРАЦИЯЛЫҚ
сын есім. Жерді суландыру жұмысына тән, мелиорацияға қатысты. Мелиорациялық аудандастыру. Жерді аудандастыру, табиғи кешендік факторлар арқылы, мелиорацияның қажеттілігін және оның іске асырылу мүмкіндігін анықтау. Мелиорациялық география. географиялық. Табиғи мелиорациялық жүйе мен оның құрамын, табиғи, техникалық, әлеуметтікэкономикалық элементтердің оңтайлы нұсқаларын пайдалану әдістерін зерттейтін қолданбалы география. Мелиорациялық гидрогеология. су шаруашылық. Топырақ құнарлығын арттыруды ауылшаруашылығы дақылдарынан тұрақты мол өнімді алуды қамтамасыз ету мақсатымен гидрогеологиялық жағдайларды жерді мелиорациялау процесінде зерттейтін және мелиорациялық шараларды (жер суару, суландыру, құрғату және т.б.) жобалаумен айналысатын гидрогеология ғылымының қолданбалы саласы. Мелиорациялық гидрогеологиялық ізденістер. су шаруашылық. Мелиорациялық құрылысты жобалауға қажетті материалдарды, су баланстарын жасауға, мелиорациялық жүйе құрылысын тиімді түрде жүргізіп, оны пайдалану үшін далалық зерттеулер мен бақылау жұмыстарының қорытындысын пайдалану шаралары. Мелиорациялық егіншаруашылығы. Өңделіп, жақсартылған жердегі егіншаруашылығы. Мелиорациялық жер жырту. Топырақтың құрамын жақсарту үшін жерді арнайы соқамен жыртып, өңдеу. Мелиорациялық жұмыстарды жоспарлау. Мелиорациялық күрделі құрылыс жоспарын жасау, өндірістік құрылыс жұмыстарын жобалау және іздестіру жұмыстарын қоса жалғастыру, мелиорациялық сушаруашылық жүйелерін ретке келтіре отырып, тиімді пайдаланумен қатар аталған ісшаралардың орындалуын да, ұйымдастыру жұмыстарын да жоспарлау. Мелиорациялық жүйе. Атқаратын қызметі бір-бірімен байланысты болатын гидротехникалықинженерлік құрылыстар мен құрылымдар жинағы. Мелиорациялық жүйелердің кадастры. Мелиорациялық жүйенің имараттарын жыл сайын тексерген кездегі жиналған мәліметтер негізінде жүйеленген көрсеткіштер жинағы. Мелиорациялық жүйені күрделі жөндеу. Мелиорациялық жүйенің көлемді элементтерін қалпына келтіріп, бұзылған жерін жөндеп, есепті мерзімінің ішіндегі жұмыс істеуін қамтамасыз ету. Мелиорациялық жүйені қадағалау. Техникалық пайдалану кезінде жүйені тексеру шаралары. Мелиорациялық жүйелерді құжаттандыру. Жүйелі түрде есептеліп жүргізілген, мелиорациялық жүйелердің белгілі бір уақыттағы құрылымдық, техникаэкономикалық және т.б. көрсеткіштерінің арнайы және әрбір гидротехникалық құрылыстың құжаттары. Мелиорациялық қопсытқыштар. Қатты және тоңазыған топырақты қопсыту, сортаң топырақ құрамын араластыру арқылы тұзын жою үшін қолданылатын құрылғы. Мелиорациялық мәшинелер. техникалық. Мелиорациялық жұмыстың агротехникалық талабына лайықты – бір немесе бірнеше операциялы технологиялық процеспен жұмыс істейтін мәшине. Мелиорациялық сорғы стансысы. Мелиорациялық жүйеде халықаралық құрылыс нормалары мен қағидалары бойынша жобаланатын, салынатын және пайдаланылатын суармалау сорғы стансысы. Мелиорациялық топырақ. Топырақ құрамын, шығу тегін, қасиетін, географиялық тарауын анықтау, осы қасиеттерін мелиорацияда тиімді пайдалануға бағытталған топырақтану саласының қолданбалы түрі.