ГИДРОГЕОЛОГИЯЛЫҚ
сын есім. Гидрогеологияға тән, қатысты. Гидрогеологиялық алап. геологиялық. Жер асты суларының қалыптасуы мен ресурстары (қорлары) таралуының бірлігi негізінде әртүрлi және әр реттi геологиялыққұрылымдық шегаралардың жер бетіндегi орны мен жер асты су ағындарының гидродинамикалық шегаралары (су айрықтары) бойынша белгіленген жер асты гидросфераның құрамдас бөлігi. Гидрогеологиялық бекет. су шаруашылық. Жерасты сулары деңгейінің, минералдылығының, температурасының өзгеруіне бақылау жүргізу және олардың балансын зерттеу үшін арнайы аспаптармен жабдықталған тұрақты орын. Гидрогеологиялық жүйе. геологиялық. Бiрбірімен қатты біріккен гидрогеологиялық элементтердің (әртүрлi дәрежеде жер асты суларымен қаныққан геологиялық денелердің) жиынтығы. Гидрогеологиялық карта. геологиялық. Белгілi аймақтың жер асты суының таралу алабын, оның сапасын бейнелейтін карта. Гидрогеологиялық қима. кен ісі. Гидрогеологиялық құрылымның тік қимасындағы сулы және су өтпес таужыныстар, жерасты суларының минералдылығы мен химиялық құрамы, грунт және артезиан суларының деңгейi және басқа да гидрогеологиялық деректердi көрсететін сызба. Гидрогеологиялық массив. геологиялық. Көбінесе жарықшақты, жарықшақтыжелілi жер асты сулары таралған қатпарлы таулы аймақ. Гидрогеологиялық объектілер. геологиялық. Бiрегей және сирек кездесетін қасиеттерімен ерекшеленетін жерасты сулары мен олардың жер бетіне шығатын орындары. Гидрогеологиялық цикл. Жерасты суларының қалыптасу барысындағы теңіз трансгрессиясынан басталып, одан кейінгi регрессиясының аяғына дейін созылған уақыт аралығы.