ҚҰЙМА
зат есім. 1. техникалық. Металл, металл қорытпалары, пластмассалар, шынылар т.б. заттарды балқытып, қалыпқа құйып қатайту нәтижесінде алынатын зат, дайындама. 2. Қолдан құйған кірпіш немесе құйма кірпіштен жасалған дуал. 3. Өзенсудың құйылысы; құйған. 4. зергерлік. Қорытылған, қоспасынан айырған алтын, күміс кесегі. 5. Қыстай жиналған мал қиын көктемде көлікпен бастырып, қалыпқа немесе тағы басқа. құйып жасаған тезек. Құйма алтын [ күміс ]. зергерлік. Белгілi бір қалыпқа келтіріліп құйылған, басқа қоспадан тазартылған, қоспасыз таза кесек алтын (күміс). Құйма болат. кен ісі. Өндіріс барысында сұйық күйден өткен қатты болат. Құйма білезік. зергерлік. Алтын яки күміс, қола, жез, мельхиорды балқытып, арнаулы қалыпқа құю арқылы жасалған сом білезік. Құйма жүзік. зергерлік. Арнаулы қалыпқа құйып дайындалған жүзік; құйма қалыппен жасалатын жүзік. Құйма қант. тамақ өнеркəсібі. Үлкен, тұтас, шағылып бөлінбеген қант. Құйма тұяқ. Тұяғы құйып қойғандай, жұмыр. Құйма тұяқты бие. Жүргенде табаны көп тасырламайтын, тұяғы мықты бие, қысырақтардың атауы. Құйма үй. құрылыс. Арнайы сырғымалы қалыппен құйылып салынатын үй. Құйма үлгісі. этнографиялық. Қалыптың құйма пішініне сәйкес келетін қуысын жасауға арналған қалып, үлгі.