ТҰЯҚ
зат есім. 1. Мал т.б. сүтқоректі жануардың аяғының басындағы жер басатын мүйіз тұ қай. 2. ауыспалы мағына. Ұсақ мал, қой-ешкі. 3. ауыспалы мағына. Артта қалған ұрпақ, тұқым. Тұяғы қимылдаған жоқ. Еш әрекет істемеді, қарап отырды. Тұяғына теңгермеді. Ешкімге тең көрмеді, баламады. Тұяғын ілді. Қол жеткізді, мақсатына жетті. Тұяғы тозды. Көп жүрді, жүрістен болдырып шаршады. Тұяғы ілінді. Бір нәрсеге енді ғана қолы жетті. Тұяқ баспаған [ тимеген ]. Еш мал бармаған, соны, тың. Тұяқ жұлығы. анатомиялық. Тұяқ көбесінен төменірек орналасып, бақайдың алдыңғы және бүйір қабырғасын жарты сақина түрінде қоршап жатқан тұяқ бөлігі. Тұяқ көбесі. анатомиялық. Терінің мүйіз тұяққа ауысатын жеріндегі жіңішке аралық. Тұяқ қалмады. Артында ұрпақ, тұқым қалмады. Тұяқ салығы. көнерген сөз. Мал басына төленетін салық. Тұяқ серіппеді. Ешбір қимылсыз, тып-тыныш жатты. Тұяқ тимеді. Мал баспады, аяқасты болмады. Тұяқ шиыр. Әбден тапталған, шиырланған (жер).