ЖАРНАМАЛЫҚ
сын есім. Жарнама жасайтын, жарнамалаушы, жарнама таратушы. Жарнамалық агенттік. экономикалық. Жарнама әзірлейтін, дайындайтын және орналастыратын тәуелсіз кәсіпорын. Жарнамалық билборд. полиграфиялық. Қала көшелері мен автокөлік жолдары бойына орнатылған қандай да бір тауар, өнім не қызметті әйгілейтін ақпарат берілген тақта, қалқан. Жарнамалық газет. полиграфиялық. Тапсырыс берген мекеме, сауда өндіріс орындары, фирмалар мен жеке адамдардың тұтынуға ұсынатын өнімін, тауарын немесе қызмет түрлерін көпшілікке жария ету, әйгілеумен айналысатын мерзімді баспасөз өнімі, басылым. Жарнамалық қалқан. Сыртқы жарнама түрi.