ДӘУІТ
1омоним зат есім. зоологиялық. Ұзындығы 11 смдей, басы қозғалмалы, түсi маусымға байланысты жасыл, сары, қоңыр болып өзгеріп отыратын, алдыңғы екi аяғы ұзын, шегіртке тектес жәндік. Дәуіт бас. поэтикалық. Кiшкене бас. Дәуіттің қоржыны. зат есім. діни. Дiни түсінік бойынша Дәуіт пайғамбар ұстаған, iшіндегi тағамы қанша жесе де таусылмайтын қасиеттi ыдыс [ Мифтік таным бойынша, Сүлеймен пайғамбардың жүзігi, Мұса пайғамбардың асасы да кереметке ие болған заттар болып саналады. Халық ерекше қасиетi бар бір затқа таңданғанда «Сүлейменнің жүзігіндей, Мұсаның асасындай, Дәуіттің қоржынындай» деген теңеу сөзбен айтатыны осы мифологиялық түсінікпен байланысты ]. Дәуіт ұста [ пайғамбар ]. діни. Дәстүрлi орта түсінігi бойынша ұста, зергерлердің дем берушісi, темір ұстаның пірi, жебеушi рухие [ Байырғы қазақ ортасында металл өңдеу, оның iшінде алтын, күміс өндірудің негізi, сондай-ақ терi өңдеу, ағаш ұқсату сияқты т.б. түрлерінің дамуы Дәуіт ұста кезінен бастау алды деп саналады ].