ТЕРІ
зат есім. 1. анатомиялық. Дененің адам мен жануарлар ағзасын сыртқы әсерлерден қорғайтын жалпы жабыны. 2. Сойылған мал не аңның етінен сылынып алынған шикізат. Тері аурулары. медициналық. Тері, кілегейлі қабық, шаш (түк), тырнақ қабынуынан, оларға ісік шығуынан дистрофиялық өзгерістер пайда болатын аурулар тобы. Тері бездері. анатомиялық. Жануарлар терісінің сыртқы эпидермис қабатынан пайда болған бір не көп клеткалы бездер жиынтығы. Терi бөрік. Теріден тігілген бөрік. Тері жинаушы. Ел, ауыл аралап, тері жинайтын, сойылған малдың терісін сатып алатын адам. Тері көрпе. Теріден жасалған көрпе. Терін ағызды. Терлептепшідi, қиналды. Терін алды. Таң асырды, атты жаратып баптады. Терісі бағалы аңдар. Сүтқоректілердің табиғатта жабайы қалпында кездесетін және қолда арнайы өсіріліп, бағалы терісін алуға болатын бір тобы. Терісін бітеу сойды. Қатал болды, аямады, рақымсыз болды. Терісі кең. Мінезі жайлы, кеңпейіл. Терісі кеңіді. Ойындағысы болып, көңілі жай тапты. Терісі қалың. а) Сабырлы, салмақты. ә) Ұяты жоқ. Терісі тарылды. Жақтырмады, ызасы келді, ашуланды. Терісін таспатаспа қылды. Ұрып, етінің тілімтілімін шығарды. Терісін теспей сорды. Арамдықпен жеп қойған кісі туралы айтылады. Тері тарамысына ілінді. Мейлінше арықтап жүдеді. Терісіне сыймады. Қатты ашуланды, долданды, булықты. Терісі тарихи. а) Ашуланшақ, беттен ала түсетін жеңіл мінезді (кісі). ә) Біреудің болғанын көре алмайтын (кісі). Тері тұшу. Аттың бабына келіп, суытылуы. Тері ұқсату. қолөнер. Тері өңдеу (илеу, тезге салу т.б.). Тері шалбар. Теріден тігілген шалбар.