ГРАФИКА
[ грек тілі. grаphіke ] зат есім. 1. лингвистикалық. Белгілi жазу тәсілдерінің жиынтығы, әріптер мен сөйлеу (фонемалар) дыбыстарының арасындағы қатынастар жүйесi. 2. полиграфиялық. Әріп кескінi мен белгілерi. 3. лингвистикалық. Графемалар мен фонемалардың арақатынасын зерттейтін тіл білімінің бір саласы. 4. өнертану. Бiрден қағазға түсіріліп көбейтілетін бейнелеу өнерінің бір түрi. 5. информатикалық. Кескіндердi енгізу, бейнелеу және шығару құралдары мен жүйелерi. Графика шекарасы. информатикалық. Графикалық редакторлар және кіші баспа жүйелер бағдарламаларында қолданылатын нүктелерден тұратын сызық.