ГАУҺАР
[ араб тілі. ] зат есім. 1. Сирек кез десетін, аса бағалы, алуан түстi, қымбат асыл тас, бриллиант. 2. ауыспалы мағына. Ең қымбат, асыл, қадірлi адам, тұлға. 3. ауыспалы мағына. Ең мықты, бағалы мәртебесi биік, асыл зат, дүние, көңіл. 4. зергерлік. Гауһар тастарынан жасалған немесе сонымен безендірілген (бұйым, зат). Гауһар жұлдыз. поэтикалық. Жылтылдаған жарық жұлдыз. Гауһар жүз. поэтикалық. Сұлу, ең көріктi жүз. Гауһар жүзік. з е рг. Көзіне гауһар (асыл тас) орнатылған жүзік. Гауһар көз. поэтикалық. Жәудіреген көз. Гауһар қабақ. поэтикалық. Гауһар көз. Гауһар нұр. поэтикалық. Жарқын жүз, жарқын мінез. Гауһар ой. поэтикалық. Құнды, тереңнен шыққан асыл ой. Гауһар сөз. поэтикалық. Асыл сөз. Гауһар су. поэтикалық. Таза, мөлдір су. Гауһар тас. а) зергерлік. Гауһар, бағалы, әшекей тас. ә) поэтикалық. Артық туған, қымбатты адам. б) бейнелі сөзқолданыс. Қымбат сезім, көңіл, асыл дүние. Гауһар тастай. бейнелі сөзқолданыс. Жалтыр, асыл заттай, түрлi-түстi тастай. Гауһар тердi. поэтикалық. Ең қымбат, керегіне жарайтын асыл дүниелердi жинады, iлім қуды, білім алды.