ТІКҰШАҚ
зат есім. Көтеру үшін бір не бірнеше ауа винті іске қосылатын, тік көтеріліп, тік қона алатын ауадан ауыр ұшу аппараты. Тікұшақ алаңы. әскери сөз. Тікұшақтардың ұшыпқонуына, орналасуына және оларға қызмет көрсетілуіне арналған жер телімі. Тікұшақ тасығыш. әскери сөз. Теңіз десантының алдыңғы жасағын түсіру және тасымалдау немесе сүңгуір қайықтарды іздеп табу мен жоюға арналған тікұшақтар таситын ұрыс кемесі. Тікұшақтардың жіктелуі. әскери сөз. Тікұшақтардың айналдыру моментін түзу тәсіліне, қалақтарының саны мен орналасуына, сонымен қатар қозғалтқышының түріне қарай тартпалы механикалық тікұшақтар, реактивті тікұшақтар, құрастырмалы тікұшақтар (бұрамалы қалақты) және тікұшақұшақтар (конвертопландар) болып бөлінуі.