ТАНК
[ ағылшын тілі. tаnk ] зат есім. әскери сөз. Түгелдей сауытты, шынжыр табанды соғыс мәшинесі. Танк әскері. әскери сөз. Құрлықта негізгі соққы беретін әскер түрі. Танк бригадасы. әскери сөз. Бiрнеше танкистерден құралған әскери топ. Танк взводы. әскери сөз. 3-4 танкіден тұратын танк әскерлерінің тактикалық бөлімшесі. Танк десанты. әскери сөз. Ортақтаса ұрыс қимылдарын жүргізу үшін танкілермен алып жүрілетін атқыштар (жаяу әскерлік, мотоатқыштар) бөлімшесі. Танк қаруы. әскери сөз. Танкіге орнатылған қару-жарақ. Танк пулеметі. әскери сөз. Танкіден атыс жүргізуге бейімделген жаяу әскерлерге қарсы қолданылатын пулеметтің бір түрі. Танк ротасы. әскери сөз. Танк взводтарынан тұратын танк әскерлерінің тактикалық бөлімшесі. Танк тосқауылы. әскери сөз. Қарсыластың шабуыл жасауы (қозғалыс жасау) ықтимал бағытында жасырын орналасқан танк бөлімшесі. Танк ұрысы. әскери сөз. Екі қарсылас жақтың танк бөлімшелерінің, бөлімдерінің, құрамаларының соқтығысы; артиллерия мен авиацияның қолдауы арқылы және әуе шабуылына қарсы қорғаныс құралдарымен бірге жүргізіледі, жалпы әскери ұрысының негізгі бөлімі.