САУЫН
1омоним зат есім. 1. Сүт беретін, сауылатын мал. 2. Сүт сауып алу мерзімі. 3. этнографиялық. Байырғы қазақ қоғамындағы дәстүр бойынша, ауқаттылардың малы аз жақын ағайындары мен кедейлерге сүтін пайдалансын деп белгілі бір уақытқа берген құлынды бие немесе бұзаулы сиыр, қойешкісі. Сауын беру. этнографиялық. Байырғы қазақ дәстүрі бойынша, ауқатты байлар өзінің малы аз жақын ағайындары мен кедейлерге сүтін пайдалансын деп белгілі бір уақытқа дейін құлынды бие немесе бұзаулы сиыр, кейде қойешкісін беруi. Сауын берді. этнографиялық. Сүтін пайдалану үшін құлынды бие немесе бұзаулы сиыр, қой-ешкі берді. Сауын бие. Сүт беретін, сауылатын бие. Сауын бұлт. поэтикалық. Жаңбыр әкелетін бұлт. Сауын мал. а) Сүті сауылатын мал. ә) этнографиялық. Ежелгі қазақ дәстүрі бойынша, ауқаттылардың жағдайы төмендерге сүтін пайдалануға берген малы. Сауын сауды. Сауын алып, сонымен күнелтті, сауынға мал сұрады. Сауын сиыр. Сауылатын сиыр. Сауыны иіді. Ет жүрегі елжіреді, риза болды. Сауыны келді. Сауатын мезгілі жетіп, же ліні сүтке толды.