ЖОРЫҚ
зат есім. 1. Шабуыл, қарулы шайқас. 2. Саяхат, серуен. 3. Белгілі бір мақсат үшін жұмыла кіріскен іс. 4. әскери сөз. Әскери бөлімдер мен құрамалардың белгілі бір бағытты бетке алып, көлікпен немесе жаяу ұйымдасқан түрде саппен қозғалуы. Жорық әні. әскери сөз. Жорыққа шыққанда айтыла тын марш, екпінді әскерлер әні. Жорық бекеті. әскери сөз. Жорықтағы әскерлерді күзету органы. Жорық белбеуі. этнографиялық. Дәстүрлі қазақ қоғамында жауынгерге арнап жасалатын белбеу, белдік. Жорық дорба. Жорыққа шыққанда алып жүретін шағын дорба, қалта. Жорық жабдығы. әскери сөз. Жауынгердің қаружарақтарын, қорғаныс құралдарын, бекініс орындарын қазуға қолданылатын аспаптарын, азықтүлік қорын және тағы басқа. белгілі бір ретпен орналастыруға арналған лайықтау жүйесі. Жорық жағдайы. әскери сөз. Қозғалысқа (жорық маршына) даярланған әскери техниканың әртүрлі үлгілерінің жағдайы. Жорық жылдамдығы. әскери сөз. Бөлім мен бөлімшелердің бір сағатта немесе бір тәулікте жүріп өткен жолының орташа жылдамдығы. Жорық күзеті. әскери сөз. Күзетілетін әскерлерге (күштерге) қарсыластың барлаушыларын жібермеу, оларды қарсыластың тұтқиылдан шабуыл жасауынан қорғауға және шеп құруға, ұрысқа енуге қолайлы жағдай жасау мақсатында жорықта ұйымдастырылатын әскерлерді (күштерді) күзетудің түрі. Жорық легі. ә с к. Құраманың, бөлімнің (бөлімшенің) бір бағыт бойынша жорықпен жылжуы үшін сапқа тұруы. Жорық пеші. Қыс айларында жылыну үшін немесе жорыққа шыққан кезде пайдаланылатын шағын пеш. Жорық реті. әскери сөз. Жорық жасау үшін бөлімшелердің, бөлімдер мен құрамалардың өздерінің күшейту құралдарымен бірге сапқа тұруы. Жорық түйе. Ұзақ жүріске дағдыланған мықты түйе.