УЫТ
зат есім. 1. Ағзаға дарыған удың зардабы, күші. 2. биологиялық. Жыландардың, өрмекшілер мен буылтық денелілердің уының құрамына кіретін, өсімдіктер мен жануарлардың физиологиялық функцияларын тежей алатын немесе олардың опат болуына апарып соғатын ақуыз және полипептид тектес заттектер. 3. ауыспалы мағына. Бір нәрсенің, құбылыстың басқаға тигізер әсері, ықпалы. Уыт қайтарғыштар. химиялық. Ағза уланғанда пайдаланылатын шипалы заттар. Уытын басты [ қайырды ]. Бір нәрсенің уын, зәрін жойды, ықпалын азайтты. Уытын жайды [ шашты ]. Жанға батты, зардабын тигізді.