КОНФИГУРАЦИЯ
[ латын тілі. cоnfіgurаtіоn ] зат есім. информатикалық. 1. Белгілі бір жүйені, аппараттық жабдықтарды, оның нақты параметрлерін, құрылғылар құрамын, өзара байланыстарын анықтай отырып орналастыру. 2. Дербес компьютерді пайдаланушының белгілі бір мәселелерді орындауына арналған қызметтік құрылғылардың жинағы. Конфигурация диспетчері. информатикалық. Жүйенің пішімүйлесімі жайындағы мәліметтерді сақтауды және таңдап алуды жеңілдететін бағдарламалық құрауыштар жиыны. Конфигурация тізілімі. информатикалық. Есептеу мәшинесінің конфигурация жайындағы ақпарат сақталатын мәліметтер базасы. Конфигурация файлы. информатикалық. Операциялық жүйені жүктеу кезінде автоматты түрде орындалатын оның файлы.