ИНДЕКС
[ латын тілі. index ] зат есім. Көрсеткіш. 1. Белгілі бір заттардың аттарының, кісі есімдері тізімінің жалпы реттік көрсеткіші. 2. статис. Белгілі бір құбылыс дәрежесінің оның өткен кездегі дәрежесіне немесе негіз ретінде қабылданған дәл сондай құбылыс дәрежесіне қатынасын көрсететін салыстырмалы шама. 3. информатикалық. Сілтеме көрсеткіш (салалық, пәндік немесе әліпбилік) – қарастырылып отырған саланың негізгі толық мәліметтерінің орналасуын көрсететін түйін сөздер жиыны. 4. экономикалық. Қандай да болсын экономикалық құбылыс шамаларының уақыттағы немесе кеңістіктегі арақатынасын сипаттайтын және түпкілікті шаманың базалық шамаға қатынасына тең салыстырмалы статистикалық көрсеткіш. 5. матем. Өрнекті бір-бірінен ажырату үшін сол өрнектің жоғарғы не төменгі жағына қойылатын сан не әріп түріндегі көрсеткіш. Индексте іздеу. Индекс элементін іздестіру.