ЦИКЛДІК
циклдік алгоритм. информатикалық. Есептеу процесінің бірнеше рет қайталап орындалатын бөлігі бар алгоритм; уақытты бөлуі бар жүйелерде – орталық процессордың өзіне бөлінген квант уақытын пайдаланған мәселені үзуде әрі кезектің соңына орналастыруда қолданылатын алгоритм. Циклдік бақылау байты. информатикалық. Циклдік бақылау жайында ақпараты бар әрі магниттік тасуышқа мәліметтер блогын жазуды жүзеге асыратын байт. Циклдік буфер. информатикалық. Мәліметтерді жазу мен оқу кезінде жылжитын еркін кеңістіктің басы мен соңын көрсетушісі бар жиым түрінде буферді ұйымдастыру [ Жиымның соңына жеткен соң көрсетуші оның басына орнатылады ]. Циклдік код. информатикалық. Егер V – кодтық сөз болса, онда оның циклдік ығысуының барлық нәтижелері де кодтық сөздер болатын сызықтық код. Циклдік қосынды. информатикалық. Әдетте, жедел жадтың ұяшығына сәйкес келетін біркелкі пішімдегі мәліметтер элементтерінің қосындысы [ Мұнда үлкен разрядтан тасымалдау кезінде келесісі үлкендігі бойынша кіші разряд болып саналады ]. Циклдік программа. информатикалық. Алгоритмнің ең болмағанда қайталайтын бір бөлігі – циклі бар программа. Циклдік процесс. информатикалық. Алгоритмнің (программаның) сол бір ғана бөлігін әлденеше рет қайталау процесі. Циклдік регистр. информатикалық. Мәліметтер регистрі. Циклдік сұрау әдісі. Үзілім желісін сұрау циклдік тәртіппен жүзеге асырылатын, сондай-ақ бірінші ең жоғарғы басымдылық сұралатын басым үзілімдер жүйесі. Циклдік тасымалдау. информатикалық. Кері кодта ұсынылған екі бүтін санды қосындылау кезінде талап етілетін тасымалдау түрі [ Егер сандардың үлкен разрядтарын қосындылау кезінде тасымалдау жағдайы туатын болса, онда оны кері кодта берілетін нәтиженің кіші разрядына қосу қажет ]. Циклдік ығысу. информатикалық. а) Циклдік ығысу командасымен берілетін ығысу операциясы. ә) Регистрдің бір шетінен жылжытылатын разрядтар оның екінші жағына келіп, сол ретпен босаған орынға орналасатын ығысу.