ҚҰЛА
сын есім. Сары мен жиреннің арасындағы жылқының түсі. Құла ауыз. Өткір тілдi, шешен, ділмар. Құла бие. Сары мен жиреннің арасындағы түсi бар бие. Құла дала [ түз, жапан, медиен, мекен ]. Елсіз, иен дала. Құла [ құба, қу медиен ] дүз. Ендала, елсіз-сусыз сары дала. Құла жирен. Құла мен жирен аралас жылқының түсі. Құла жылқы. Басы мен денесі жылтыр сары немесе құрым сары реңді, аяқтары мен жал құйрықтары қара, арқасынан құйрығына дейін созылған жіңішке қара жолағы бар жылқы. Құла кер. Құла мен кер аралас түс. Құла қасқа. Қасқасы бар құла түс. Құла төбел. Төбелі бар құла түс. Құла түз. Жан аяғы баспаған, елсіз дала.