ҒАШЫҚ
[ араб тілі. ] зат есім. 1. Бiрін-бірi сүйетін, ынтық, ынтызар адамдар. 2. ауыспалы мағына. Бiр нәрсеге (табиғатқа, жырға, өнерге, өмірге тағы басқа.) құмарлық, ынтық болушылық, ынтызарлық, сүйіспеншілік. Ғашық болды. Ынтықты, құмартты, сүйіп қалды. Ғашық жар. Шын сүйген, сүйіп қосылған адам. Ғашық жүрек. поэтикалық. Ынтызар жүрек. Ғашық көзбен қарады. Сүйсініп, ынтығып, қызығып қарады. Ғашық отын жандырды. Ғашық қылды, махаббат сезімін жүрегіне ұялатты. Ғашықтардың [ ғашықтық ] пірi. поэтикалық. Ғашықтарды желепжебеушi әулие. Ғашық тілi. поэтикалық. Ерекше, бұл әлемге тосын, сүйіспеншілікке толы тіл.