КОММУНАЛДЫҚ
сын есім. Қала шаруашылығына, өндірістік пункттерге қатысты. Коммуналдық ағындылар. су шаруашылық. Елді мекендердің ақаба сулары. Коммуналдық гигиена. экологиялық. Қоршаған орта факторларының халық денсаулығына әсерін зерттейтін гигиена саласы. Коммуналдық мәшинелер. Елді мекендердің аумағында, қоғамдық үйлердің ішінде санитарлық тазарту жұмыстарын жүргізуге, кір жууға және химиялық әдіспен тазартуға пайдаланылатын, сондай-ақ суқұбырын, газ, жылу және электр жүйелерін жедел жөндеуге қажетті әртүрлі мәшинелер мен құралдар. Коммуналдық төлемдер. экономикалық. Елді мекендердегі тұрғын үй қорының үйлеріндегі тұрғынжайды меншіктенушілерге мамандандырылған мемлекет және жергілікті кәсіпорындар көрсететін коммуналдық қызметтердің төлемақысы. Коммуналдық шаруашылық. Қалалар мен поселкелердің тұрғындарының коммуналдықтұрмыстық қажеттерін өтейтін кәсіпорындардың, қызмет көрсету орындарының кешені.