КІМ
есімдік. Адамға байланысты қолданылатын сұрау есімдігі. Кiм бар, кім жоқ. Алдағы күннің қандай болары беймәлім, кімнің тағдыры қалай болары белгісіз. Кiм біледi. а) Белгісіз, беймәлім. ә) Сiрә, бәлки, әлде, шамасы. б). Амал не, қайтерміз, әйтеуір. Кім білсін. Белгісіз, түсініксіз. Кімге сән [ сән бе ]? Кімге жарасар, ешкімге де ұнамас, мүлде дұрыс болмас. Кiм де болса. Қандай адам болмасын, әркімақ. Кім де болса. а) Әркімақ. ә) Кім болса, ол болсын. Кім кепіл. Кім уеде береді, кім дәлел, айғақ болады, сенім бар ма деген мендегі күмендануды білдіретін сөзқолданыс. Кім көрінген. Кез келген адам, әркім. Кiмнен әулие. сөйлеу. экспрессивті.жақтырмау. Қай жерi артық, қадірлi едi деген мағынада. Кiмнің аузы барады. Ешкім айта алмайды. Кімнің дәті шыдайды? [ шыдасын? ]. а) Ешкімнің төзімі жетпейді. ә) Батылы жетпейді, көңілі дауламайды. Кім тиді? Жылап қалған балаға: “Кім зорлық қылды”, “кім ұрды” деген мағынада айтылатын жұбату сөз. Кім ұрды? ойын. Көзін бір қолымен қалқалап, екінші қолын қолтығының астынан өткізіп, теріс қарап тұрған ойыншы алақанын ұрған адамды табуды қажет ететін жасөспірімдер ойыны.