ЖАРМА
1омоним зат есім. Бидай, арпа, сұлы, күріш, тары сияқты дақылдар дәнінің ұсақталып, жармаланған түрі. Жарма пісірмесі. тамақ өнеркəсібі. Тұтқыр ботқалардан дайындалатын тағам.
Значение слова
ЖАРМА
2омоним зат есім. көнерген сөз. Сәндік үшін тағылатын әшекей зат есім. Жарма көттік қылды. қарапайым сөз. Әбден қажалған, сірісі кеткен етік туралы айтылады.
ЖАРМА
3омоним зат есім. Өгіздің қамыт ағашы, мойынтұрық. Жармаға жегілді. Жарма (мойынтұрық) кигізілді. Жарманың бұлқыны. Мойынтұрықтың төменгі екі жағын қосып байлайтын қайыс бау.
ЖАРМА
4омоним зат есім. жергілікті сөз. Арна, үлкен арық. Жарма қазбалары. кен ісі. а) Жаңа карьерлерде немесе жұмыс істеп тұрған карьерлердің жаңа деңгей жиегінде аршылымды қазып алу немесе пайдалы қазылымды өндіру мақсатында жүргізілетін қазба жұмыстары. ә) Шахтаның немесе кеніштің әрбір жаңа қазып алу алаңдарында (блокта, этажда, панельде, қатарда және тағы басқа.) тазарту жұмыстары басталатын жерасты қазбалары.
ЖАРМА
5омоним зат есім. Кейбір омыртқасыздарға тән бақалшық бөліктердің бір түрі.
ЖАРМА
6омоним зат есім. Кесілген ағаш.
ЖАРМА
7омоним сын есім. Ортасынан екіге жарылып бөлінген. Жарма есік. Екіге бөлінген, ортасынан ашылатын есік. Жарма қоныш. кәс. Қонышы екі жақ жанынан жармаланып тігілген. Жарма құрт. тамақ өнеркəсібі. жергілікті сөз. Кесек-кесек етіп жасаған құрт. Жарма пеш. Айналмалы, орыс пеші. Жарма шымылдық. Екі жағынан бау өткізіп, төсекорынның алдына ұстайтын перде, қыз жасауының бір түрі.