ОРЫС
зат есім. Негізінен Ресей Федерациясында ең көп тұратын байырғы және негізгі шығысславян халқы, ұлт; осы халықтың өкілі. // Орысқа қатысты, орысқа тән, орыстар шығарған. Орыс әліпбиі. лингвистикалық. кирил әліпбиі; ұлттық орыс тілінің жазба, баспа түрінде қолданылатын, 33 әріптен тұратын графикалық таңбалардың жиынтығы. Орыс кестесі. қолөнер. «Инені алға салу» әдісімен матаның түзу жібі бойымен тігетін кесте. Орыстың желісті жылқысы. жылқыша р. Орлов биесі мен американ желісті айғырын будандастырудан алынған, орлов жылқысына қарағанда кішірек, тұрқы қысқа, шоқтығы биік, сирақты келген жылқы тұқымы. Орыс тіл білімі. лингвистикалық. Орыс тілі, оның тарихы және салалары, қазіргі жайы туралы ғылым. Орыс тілі. лингвистикалық. Славян тілдерінің ішіндегі шығыс славян тілдері тобына жататын, орыс халқының ұлттық тілі, халықаралық тілдердің бірі.