ГАЗДЫ
сын есім. Газ араласқан, газдалған. Газды бетон. құрылыс. Ұяшықты құрылым жасау үшін газтүзушi қоспалармен араласқан силикатты бетон, құрылыс материалы. Газды гангрена. медициналық. Анаэроб микробтары қоздыратын жаралардың ушығуы, еттің шіруi барысында газ көпіршіктерi бөлінетін ауыр ауру түрi. Газды гидраттар. геологиялық. Сырт көрінісi қарға немесе борпылдақтау мұзға ұқсайтын қатты кристалдық зат есім. Газды жанартау. геологиялық. Алғашқы атқылауда тек қана газ шығаратын жанартау. Газды жатындар газы. геологиялық. 8090%ға дейін метандыжәне оның гомологтарын (әдетте пентанға дейінгi гомологтарды), сол сияқты азотты, көміртек қостотығын, сирек газдарды, сирегірек күкіртсутектi т.б. кіріктіретін мейлінше жеңіл, жоғары температурада қайнайтын және адсорбциялық белсенділігi төмен құрамбөліктердің бірфазалы қоспасы – табиғи көмірсутектi газ. Газды заттар. физикалық. Құрамында газ бар заттар. Газды конденсат. химиялық. Молекуласында көміртек атомдары 4тен жоғары болып келетін сұйық көмірсутек қоспасы. Газды кондициялау. физикалық. Газды қажетті тұрақты құрамға және температураға келтіру. Газды көмір. кен ісі. Көмірленудің нақтылы дәрежесіне сәйкес келетін, яғни метаморфизмнің екіншi сатысы жағдайында қалыптасқан таскөмір түрi. Газды қару. әскери сөз. Көзден жас ағызатын және тітіркендіретін заттарды қолдану арқылы тірi нысанаға уақытша зақым келтіруге арналған қару. Газды сусындар. тамақ өнеркəсібі. Газбен қанықтырылған сусындар. Газды оқтар. әскери сөз. Газбен атылатын қаруларға арналған оқдәрілер. Газды тақия. геологиялық. Жер қойнауындағы мұнайлы қойнауқаттың ең көтеріңкi өңірлерін қоныстанған мұнай газының жиынтығы, тұтас мұнайлыгазды жатынның құрамбөлігi. Газды тақия газы. геологиялық. Қойнауқаттық жағдайда газдық фаза түрінде мұндайда еріген газбен тепе-тең жағдайдағы мұнай үстіне орналасатын, өзінің құрамы жағынан ауыр көмірсутектер мөлшерінің аздығымен ерекшеленетін мұнайлыгазды (газдымұнайлы) жатындардағы табиғи көмірсутектік газ. Газды шабуыл. әскери сөз. Қарсыласты газ тәріздi улағыш заттармен жою тәсілi. Газды электрод. физикалық. Электрод бетінде реакцияға қатысушылардың бірі газ болып келетін электрод.