ГАЗДЫҚ
сын есім. жаратыл. Газға қатысты. Газдық кеуектілік. кен ісі. Бүкіл көлем бойына тараған ұсақ газ кеуектерi түріндегi құйма ақауы. Газдық коррозия. физикалық. Қоршаған ортаның газ тектес компоненттерінің әсерінен жүретін коррозия. Газдық режім. Кен қазбаларында (шахта, кеніш т.б.) метан, сутек, күкірттi сутек газдарының бөліну қаупi туғанда қолданылатын сақтық шаралар. Газдық талдау. химиялық. Анықталатын құрауыш газ фазасында болатын немесе сол күйге өтетін үдеріс. Газдық турбина. техникалық. Қалақшалы аппараттағы қысымы мен температурасы жоғары болып келетін газдың энергиясын біліктің механизм жұмысына түрлендіретін турбина. Газдық түсірім. кен ісі. Газдардың таралуын белгілеу әдісi. Газдық фактор. геологиялық. Ұңғымадан шыққан мұнай құрамындағы газ мөлшерінің көрсеткішi.