ВИРТУАЛЬДЫ
[ латын тілі. vіrtuаlіs ] сын есім. 1. Нақты бір жағдайларда болуы мүмкін немесе болуы тиіс. 2. Шартты, солай көрінетін. Виртуальды блок. [ ағылшын тілі. vіrtuаl blосk ] информатикалық. Шағын компьютерлер жүйесінде – файл мәліметтерінің дискілік блогы. Виртуальды бөлшектер. физикалық. Кванттық теорияда – аралық күйде, қысқа уақытта ғана өмір сүретін бөлшектер. Виртуальды диск. [ ағылшын тілі. vіrtuаl dісk ] информатикалық. Жедел жадтың бір бөлігінен бағдарламалық әдіс арқылы жасалған псевдодискілік жинақтағыш. Виртуальды желілер. информатикалық. Жергіліктi желілердің қазіргi коммутаторлары бір жұмыс тобының ортақ мүдделi пайдаланушыларын желілік жеке сегментке топтастыруға мүмкіндік беретін жүйе. Виртуальды жиым. информатикалық. Жартылай негізгi жадта, жартылай дискіде орналасқан мәліметтер жиыны. Виртуальды жол. информатикалық. Есептеу торабының қандай болса да бір бөлігінде бірден-бір бағыт бойынша өтетін бірнеше виртуал арнаны біріктіретін жол. Виртуальды құрылғы информатикалық. Іс жүзінде жоқ компьютерлік немесе шалғай құрылғыларды (мыс., жад немесе баспа құрылғысын) еліктету. Виртуальды мәшине. информатикалық. Қайсыбір компъютердің жұмысын ұқсатып көрсететін бағдарламалық құрал. Виртуальды нақтылық информатикалық. Нақты әлемдi, ортаны қазіргi заманғы техникалық және бағдарламалық құралдар көмегімен ұқсатыпкөрсету. Виртуальды нәтиже. информатикалық. Алгоритм тапсырмасының тәсілi бойынша өзгертудің нәтижесi болып саналатын мәліметтердің туынды элементi. Виртуаль тізбек информатикалық. Қашық процес, соларды логикалық арнамен тұрақты түрде жалғастыру. Виртуаль файл информатикалық. Файлдық алмасу операцияларына бағдарлама қатынасатын мәліметтер жиынтығы.