КВАНТТЫҚ
сын есім. Квантқа тән. Кванттық ауысу. физикалық. Кванттық жүйенің бір күйден басқа бір күйге секірмелі түрде ауысуы. Кванттық генератор. физикалық. Еріксіз сәуле шығару құбылысына негізделіп жұмыс істейтін электрмагниттік толқындардың генераторы. Кванттық күшейткіш. физикалық. Қоздырылған атомдардың, молекулалардың, иондардың еріксіз сәуле шығаруы кезінде пайда болған электрмагниттік толқындарды күшейтуге арналған құрылғы. Кванттық механика. физикалық. Микробөлшектердің және олардың жүйелерінің қозғалу заңдылықтарын анықтайтын, сондай-ақ бөлшектер мен жүйелерді сипаттайтын физикалық шамаларды макроскопиялық тәжірибеде тікелей өлшенетін шамалармен байланыстыратын теория. Кванттық сандар. физикалық. Кванттық жүйелерді жорамал бөлшектерді сипаттайтын физикалық шамалардың мүмкін мәндерін анықтайтын бүтін немесе бөлшек сандар. Кванттық статистика. физикалық. Статистикалық физиканың кванттық механика заңдарына бағынатын көп бөлшектер жүйесін зерттейтін саласы. Кванттық сұйықтық. физикалық. Қасиеті кванттық эффектілермен анықталатын сұйықтық. Кванттық шығым. химиялық. Молекуланың фотохимиялық реакцияға түскен санының сіңірілген квант санына қатынасы. Кванттық химия. химиялық. Қосылыстардың құрылысы мен қасиеттері кванттық механика түсініктері мен әдістері тұрғысынан қарастырылатын теориялық химияның бөлімі. Кванттық хромодинамика. физикалық. Кварктерменглюондардың күшті өзара әсерінің кванттық өріс теориясы. Кванттық электрдинамика. физикалық. Өзара әсерлесетін электрмагниттік өрістер мен зарядталған бөлшектердің кванттық теориясы. Кванттық электроника. физикалық. Физиканың еріксіз сәуле шығаруға негізделген электрмагниттік тербелістер мен толқындарды күшейту және өндіру (қоздыру) тәсілін, сондай-ақ кванттық күшейткіштер мен генераторлардың қасиеттерін және оларды пайдалануды зерттейтін саласы.