ҚИЯНАТ
[ араб тілі. ] зат есім. Адамға жасалған зорлық-зомбылық, озбырлық, әділетсіздік, өктемдік. Қиянат жасады. Зорлық-зомбылық көрсетті, обалына қалды. Қиянат келтірді. Зиянын тигізді, зақым етті. Қиянат көздеді. Озбырлық, әділетсіздік ойлады. Қиянат көрді. Зәбір-жапа шекті, әділетсіздік кешті. Қиянатқа бармады. Ешкімді зәбірлемейді, зорлық, опасыздық жасамайды. Қиянат қылды. Озбырлық, әділетсіздік жасады, зорлық-зомбылық көрсетті. Қиянаттан тыйылды. Зорлық-зомбылық жасамайтын болды, озбырлығын тоқтатты.