ТЕМІРЖОЛ
зат есім. 1. Пойыз, трамвай сияқты көліктер жүруге арнап темірден төселген жол. 2. Теміржол қызметін көрсететін мекеме, өндіріс т. с. с. жалпы атауы. 3. Белгілі бір бағытта ғана жүретін, рейсті теміржол торабының жалпы атауы. Теміржол вокзалы. Жолаушылар тасымалдайтын теміржол көлігі аялдамаларындағы ғимараттар, құрылыстар мен құрылғылар кешені. Теміржол көлігі. Көлік кешенінің жетекші саласы, жүктер мен жолаушыларды алыс қашықтыққа тасымалдайтын басты қатынас құралы, пойыз. Теміржол құрылысы. Теміржол қатынасын, рельс т.б. салуға арналған жұмыс кешені. Теміржол стансысы. Теміржол көлігі аялдайтын, теміржол көлігіне және жолаушыларға түрлі қызметтер: жүктерді қабылдау, жүк тиеутүсіру, сақтау және жеткізу жұмыстары жүргізілетін, локомотивтер мен вагондар құрастырылатын, т.б. техникалық қызмет көрсетілетін, тасымал үдерісін басқаратын кәсіпорын. Теміржол тарифі. Теміржол көлігімен жүк, жолаушы, жолжүк және пошта тасымалдау, сондай-ақ жүк тиеутүсіру жұмыстары құнының ақшалай көрсеткіші. Теміржол торабы. Бірнеше теміржол желісі қиылысатын немесе бірігетін жерде орналасқан, жалпы теміржол жүйесіндегі маңызды бекет.