ӨТЕМДІК
сын есім. Өтемге қатысты, өтемге тән. Өтемдік баж. экономикалық. Өтемдік шараларды енгізу кезінде қолданылатын және үкі мет қаулысы негізінде шет мемлекет қаражаттандыратын тауар импортына кеден бажының базалық мөлшерлемесінен тыс белгіленетін баж. Өтемдік баланс. экономикалық. Коммерциялық несиенің пайыз түрінде көрсетілген бөлігі; бұл бөлікті қарыз алушы банкте депозит ретінде ұстауға міндетті. Өтемдік келісім. а) экономикалық. Белгілі бір талаптарға негізделген және белгіленген мерзімде өтелетін несие мен көрсетілетін қызметтерді өтеуге байланысты сыртқы сауда мәмілесі. ә) қаржы термині. Отандық валютаға айырбастау үшін шетелдік валюта түрінде қарыз беру туралы келісім. Өтемдік қарыз. қаржы термині. Валюталық қа тердің немесе валюталық шектеудің алдын алу немесе бейтараптандыру мақсатымен отандық валюта түріндегі қарызда айырбас ретінде шетел валютасы түрінде қарыз беру туралы келісім. Өтемдік лизинг. қаржы термині. Қаржы лизингісінің бір түрі, жалгер жалға алу ақысы ретінде лизингілік фирмаға жалға алынатын машиналар мен жабдықты пайдалана отырып, өндірген тауарды жеткізетін лизинг нысаны. Өтемдік мәміле. экономикалық. Тауарларды тең құнға өзара жеткізуді көздейтін сатып алусату шарты.