СҰРАУ
1омоним зат есім. 1. Жауап берілуін талап ететін сөз; сұрақ. 2. Сұраныс, талап. 3. информатикалық. Компьютер желілерінде – көп абонентті арналар арқылы хосткомпьютерге қосылған терминалдар мен шалғай құрылғыларды басқару тәсілі. Сұрау алды. көнерген сөз. Жауап алып тергеді. Сұрау белгі. лингвистикалық. Сұраққа жауап күту мақсатымен қойылатын тыныс белгі. Сұрау бердi. Жауаптасты, тексердi. Сұрау есімдігі. лингвистикалық. Сұраулық мағынаны білдіретін есімдік. Сұрау салды. Хабар-ошарсыз кеткенді іздеді, хабардерегін сұрады. Сұрауын тапты. Тілін тапты, ретін келтірді.