ИОНДЫҚ
сын есім. химиялық. Ионға қатысты, соған тән. Иондық аспап. техникалық. Төменгі қысымдағы газ немесе металл буларында өтетін электр разрядтарына негізделіп жасалған электрвакуумдық аспап. Иондық әлеует. физикалық. Ион заряды мөлшерінің ион радиусы мөлшеріне қатынасымен өлшенетін ион төңірегіндегі өріс күші. Иондық байланыс. химиялық. Электрваленттік байланыс, гетерополярлы байланыс, қарсы зарядты иондардың электростатикалық тартылуынан болатын химиялық байланыс. Иондық потенциал. физикалық. Иондық әлеует. Иондық реакциялар. химиялық. Электролит ерітінділеріндегі иондар арасында өтетін реакциялар. Иондық сорғы. техникалық. Иондалған газ молекулаларын электр өрісі арқылы айдап шығаруға арналған вакуумдық сорғы. Иондық тепе-теңдік. химиялық. Иондар арасында болатын алмасу реакцияларының тепетеңдігі. Иондық тор. геологиялық. Кристаллографияда: құрам бөліктері бір-бірімен иондық байланыстағы атомдардан тұратын кристалдық тор. Иондық эмиссия. химиялық. Қатты немесе сұйық денелердің вакуум ішінде не газ тәрізді ортада ион шығаруы.