ВАКУУМДЫҚ
сын есім. Вакуумға тән, вакуумға қатысты. Вакуумдық балқыту. Металдар мен қорытпаларды төмен, қалдық қысыммен балқыту. Вакуумдық материалдар. Вакуум жабдықтары мен құралдарында қолданылатын материалдар: конструкциялық материалдар, газ сіңіргіштер (геттерлер), вакуум майлары мен материалдары (мыс, сынап), цементтер, лактар және тағы басқа. Вакуумдық металлургия. Қазіргi металлургия өнеркәсібінің кеннен немесе басқа материалдардан вакуумдық әдіспен алатын ең маңызды салаларының бірi. Вакуумдық пеш. Металл өңдеу (қыздыру, балқыту) вакууммен жүргізілетін пеш. Вакуумдық сорғы. Вакуум жасау, оны жоғарылату және сақтау үшін қолданылатын құрылғы. Вакуумдық техника. Вакуумды алу, сақтау және оны өлшеу үшін қолданылатын әдістер мен құралжабдықтар жиынтығы.