ЖАРҚ
еліктеуіш сөз. Күн сәулесінің, жарықтың жылтыр, айналы, әйнекті жерге шағылысуынан шығатын, жарқылдатудан туатын көріністі бейнелейтін сөз. Жарқ берді. сөйлеу. Жалт берді. Жарқ етті. а) Кенеттен жалт етті, ұшқын атты. ә) Ұшқын атты, ерекше көзге түсті. б) Ыстық көрінді, оттай басылды. в) Көзге түсті, танылды, шалынды. г) Туды, атты, келді. ғ) экспрессивті. Жарық көрді, басылып шықты. д) Ойламаған жерден көрінетін болды, сап етті. е) Орала кетті, еске түсті.