ҚАРЖЫЛЫҚ
сын есім. Қаржымен байланысты, қаржыға қатысты. Қаржылық бағдарламалау. экономикалық. Мемлекеттік бюджетті және қаржы жүйесінің басқа буындарының кірісі мен шығысы сметаларын жасау кезінде бағдарламалықмақсаттық әдісті қолдану. Қаржылық бақылау. экономикалық. Қаржы бақылауы. Қаржылық болжау. экономикалық. Қаржының дамуы, оның көлемі мен пайдалану бағыттары туралы ғылыми негізделген есептерге, болжалдарға сүйене отырып болжау. Қаржылық капитал. экономикалық. Ақшалай қаражат нысанындағы капитал. Қаржылық сақтық қорлар. экономикалық. Мемлекеттік және муниципалдық басқару органдары мен шаруашылық жүргізуші субъектілер кездейсоқ, ойда жоқта пайда болған оқиғалардың зардаптарын жою қажеттігінен туындаған болжанбаған шығынға және айрықша қажеттіліктерден туындаған жағдайға арнап оқшаулайтын қаржы ресурстарының ерекше нысаны. Қаржылық ықпалшаралар. экономикалық. Ақшалай нысанда мәжбүрлеп ықпал ету шаралары.