ҚЫСЫМ
зат есім. 1. физикалық. Белгілі бір ауданға түсіп тұрған күш, физикалық шама. 2. Қыспақ, қинау. 3. ауыспалы мағына. Біреуге көрсетілген күш, қорлық, зорлық, қиянат. Қысымға алды. Қысты, қорқытты, зәресін алды. Қысымға түсті. Қыспаққа ілінді, қысылды, қиналды. Қысым жасау. Қысымға алу, қорқыту, қиыншылық көрсету. Қысым көрді. Зорлық көрді, қиыншылық тартты. Қысым көрсету топтары. саяс. Билік орталықтарына тұрақты түрде қандай да бір қысым көрсететін ортақ мүддедегі қоғамдық-саяси бірлестіктер. Қысым шектеуіш. Қысымды азайтатын құрылғы.