ЕГІС
зат есім. 1. Ауылшаруашылық дақылдарын егу, себу ісі. 2. Егін егілген, тұқым себілген жер. Егіс агрегаты. Әртүрлі мәшинені егін егу жұмысына топтастыру ісі. Егіс басы. Егінжайда жұмыс істейтіндердің жиналатын орны. Егіс бригадасы. Егіс себетін, егінмен айналысатын бригада. Егіс бригадирі. Егіс бригадасының жетекшісі. Егіс дақылдары. Егістіктерде арнайы ауылшаруашылық, техникалық т.б. мақсаттарда өсірілетін өсімдіктер. Егіс даласы [ аңызы ]. Егін егілген алқап. Егіс екті. Егіс септі, егін екті. Егіс – ерден, өнім – жерден. Егінді еге білу егіншіден, одан алатын өнім жердің құнарлылығынан. Егіске шықты. Егіс егуге жұмылды, кірісті. Егіс қорғайтын орман белдеу. егін шар. Агломерацияның бір тармағы, ұзыннан-ұзақ отырғызылған орман белдеуі. Егіс салды. Жер жыртып, ден септі, егін екті. Егіс септі. Ден септі, ұрық шашты; егін екті. Егіс суы. егін шар. Техникалық егіс егілетін жерге оның тұқымын, көшетін отырғызбастан бұрын берілетін су. Егіс тереңдігі. егін шар. Топырақ бетінен басталып, егілген тұқымға дейін жалғасатын тереңдік. Егіс шығымы. Егілген егістен алынған өнім көлемі.