ТҮЛКІ
зат есім. 1. Үлпек құйрығы ұзын, терісі бағалы жыртқыш аң. 2. зоологиялық. Жыртқыштар отрядының ит тұқымдасына жататын аң. 3. ауыспалы мағына. Айласы көп, қу, әккі, залым. Түлкi алмайды тоқ тазы. Мүдделi болмаса iс бітпейдi. Түлкі аулау. спорт. Радиоәуесқойлар спортының бір түрі. Түлкi бөрік. Түлкінің терісінен жасалған бөрік. Түлкі бұлаңға [ бұлтаққа, жортаққа, құйрыққа ] салды. Жалтартпа қулыққа басты. Түлкі жалтаққа салды. Қулыққа басты, алдады. Түлкі жортпас түлей. Қалың, ну, бұталы (жер). Түлкі көзденді. Тіміскілене қарады. Түлкі [ күзен ] құрсақ. Тартыңқы, жарау қарын. Түлкі қулық. Барып тұрған айлакерлік, айлалылық. Түлкі құйрық. Алдамшы, қу. Түлкі [ пұшпақ ] тон. жергілікті сөз. Түлкінің қара жолақ, қарақасқа пұшпақтарынан тігілген тон. Түлкі тымақ. этнографиялық. Түлкі терісінен тігілген тымақ.