ҚҰРСАҚ
зат есім. анатомиялық. 1. Жанжануарлардың асқазаны; қарыны. 2. биологиялық. Буынаяқтылардың көкірек бөлімінен кейінгі орналасқан бөлігі. 3. Бала не төл орналасқан іш қуысы; жатыр. 4. ауыспалы мағына. Перзент, бала. 5. ауыспалы мағына. Қойнау, іші. Құрсақ ана. жаңасөз. Генетикалық ата анасының тәрбиесіне берілетін өзіне бөтен биологиялық сәбидi өз еркімен аяғы ауыр болып, босануға келісімін берген әйел адам. Құрсақ бітті. Бала көтерді, екіқабат болды. Құрсақ жүзбеқанаттар. биологиялық. Балықтардың кеудесіне қарай, бауыр жағында екі-екіден орналасқан жүзбеқанаты. Құрсақ жібітті. Азын-аулақ тамақ жеді, жүрек жалғады. Құрсақ көтерді. Перзент көрді, бала туды. Құрсақ қақты. жергілікті сөз. Сүт кенже; сарқыт. Құрсақ қуысы. анатомиялық. Омыртқалыларда бүйрек пен бауыр, сүтқоректілерде өкпеден басқа ішкі органдар орналасқан целомның бір бөлімі. Құрсақ педагогикасы. педагогикалық. Құрсақ ішіндегі ұрық психикасының дамуына әсер ететін әртүрлі факторларды зерттейтін педагогика.