ӨҢ
1омоним зат есім. 1. Адамның бетпішіні, бет әлпеті, шырайы. 2. Ажар, көрік, түр. 3. Заттың теріс жағына қарама-қарсы жағы; оң жағы. 4. ауыспалы мағына. Бағыт, әрекет. Өң алды. Белгілі бір түске енді. Өң [ өңін ] алдырмады. а) Сыр бермедi, ештеңе сезбегендей кейіп көрсеттi. ә) Реңін, жүз бояуын, шырай көркін бермедi, көркін сақтады. Өң берді. а) Ажар берді, көркейтті. ә) Түрлендірді, құлпыртты, сән берді. Өң бұзысты. Ренжістi, келіспей қалысты. Өң жоқ, сөл жоқ. Өңі жуған шүберектей, құп-қу. Өң киім. а) жергілікті сөз. Өңі бүтін, жаңа киім. ә) Сырттан киетін киім. Өң салды. Түрлендірді, өзгертті. Өңі бозарды [ қуарды ]. Қаны қашты, сұрланып кетті, өңі тайды, қуқыл тартты. Өңі бұзылды. Өңі қашып, құп-қу болды, сұрланды. Өңі бүтін. Өңі түзу, жаңа, киілмеген (киім). Өңi гүлдей солды. Бозарды, көгердi. Өңі енді. Ажарланды, әрленді. Өңі жүдеуге айналған. Жүдеу тартқан, шау тартқан. Өңі жүдеу [ жұбау ] тартты. Жабырқады, қамықты. Өңі жылы. Жылы шырайлы. Өңі жылынды. Жылышырай танытты. Өңі жібіді [ жібіңкіреді, жылыды ]. Ашулы райдан қайтып, жылы шырай берді, жүзі жұмсарды. Өңі кетті [ түсті ]. Түрі өзгерді, бозарды, сұрланды. Өңі кірді. а) Бетіне қан жүгірді, ажарланды. ә) Нұрланды, құлпырды. Өңі қара түндей. Түнерген, түрі қарауытқан. Өңі қашты. а) Түсі өзгерді, түрі бұзылды. ә) Маңызы, мәні кетті. Өңi қашыңқырады. Жүзi суыды, сұрланды, түрi бұзылды. Өңі қуқыл тартты. Бет әлпеті құп-қу болып кетті, қаны қашты, сұрланды. Өңі тайды. Жүдеу тартты, әрінен айырылды. Өңін айналдырды. Теріс түсінік берді, дұрыс айтпады, бұрмалады. Өңін алдырмады [ бермеді ]. а) Реңін, шырай көркін бермеді, көркін сақтады. Өңін ашты. Нұрландырды, шырайын кіргізді. Өңін бермедi. а) Әуелгі қалпын сақтады, түсін жоғалтпады, бояуы оңбады. ә) Ажары таймады, қартаймады. б) Түсін жылытпады, жылы шырай білдірмедi. Өңіне қан жүгірді. Жүзі алаулады, қызарды. Өңін суық салғансыды. Сабырлық сақтады, күлмеді. Өңін тастады. Өңі кетті, оңды, ескірді. Өңі нұрланды. а) Ажарланды, сұлуланды, көркі кірді. ә) Мейірленді, иманы жүзіне үйірілді. Өңі өзгерді. Түрі бұзылды, сұрланды. Өңі өрттей. Жүзі күрең тартқан. Өңі сынық. Жүзі жүдеу, өңі солғын. Өңі тайды. а) Түсі кетті, бояуы оңды. ә) Ажарын жоғалтты, көріксізденді. Өңі түзу. Бір көрмеге жақсы, әдемі, көрікті. Өңі шүберектей қуарды. Түрі өзгерді, өңі қашты, бозарды.