1омоним зат есім. 1. Бір нәрсенің оралған тысы; тауар, заттарды және тағы басқа. орайтын материалдар. 2. физикалық. Магнитті өріс жасайтын, электр мәшинелеріндегі өткізгіштер жүйесі. Орама қағаз. Оралған тауарлардың (жәшік, байлам, шиыршық т.б.) барлық түрлері, сорттары, түрі тізіп берілетін тауар құжаты. Орама мылтық. Сыртын орайтын арнаулы қабы бар мылтық. Орама пеш. тамақ өнеркəсібі. Сырты қаңылтырмен қапталған дөңгелек пеш; голланд пеші.
2омоним зат есім. тамақ өнеркəсібі. Жаймаланған жұқа қамыр ішіне тартылған ет пен картоп салып, сопақша, домалақ етіп оралып пісірілетін тағам.
3омоним сын есім. Оратылған, ширатылған, бұралаң. Орама білезік. этнографиялық. зергерлік. Оратыла жасалған, қаусырып оралып тұратын жұмыр білезік. Орама теру. қолөнер. Өрмектің өрісі, қарсысы және арқауы – бәрі бір түсті жіптен тоқылатын тәсіл. Орама ши. қолөнер. Әрбір талының сыртына бояулы жүн жіп оралып тоқылған ораулы ши. Орама шелпек. тамақ өнеркəсібі. Дөңгелек етіп жайылған жұқа қамырдың бетіне май жағып, туралған сарымсақ, пияз сеуіп, бала білегіндей етіп орап, буға пісіретін, дайын болған соң бетіне ет салып, дастарқанға қоятын ұлттық тағам.
4омоним зат есім. ботаникалық. Атқаратын қызметіне байланысты түрі өзгерген жапырақ.