БІРІН-БІРІ
үстеу. Бiрi екіншісін, өздi-өзін. Бiрін-бірi аңду. Өзара қырғиқабақ болып, бақталасу. Бiрін-бірi аңдыды. Өзара бақталасты, қалт кеткен осал жерін бетіне басу мақсатымен өзара бақыласты. Бiрін-бірi аң дысты. Өзара бақталасты, араздасты. Бiрін-бірi аңдысу. Өзара бақталасу, жанжалдасу. Бiрін-бірi көре алмады. Іштарлық жасады. Бiрін-бірi қимады. Айырылысқысы келмедi, кете алмады; ажырағысы келмедi. Бірін-бірі сатты. Алауыз болды, берекебірлігінен айырылды, ынтымағы бұзылды. Бiрін-бірi шұқылады. Бірбіріне маза бермеді, өзара тырнақ астынан кір іздесті. Бiрінің аузына бірi түкіріп қойған дай [ аузына түкіріп қойғандай ]. Айтқандары бір жерден шықты, бірін-бірi бұлжытпай қайталады. Бiрінің аузынан бірi түскендей. Бiрбіріне өте ұқсас, бір ұядан шыққандай. Бiрінің деміне бірi балқыды. Ойы бір жерден шықты, iштей сезіндi, ұғысты. Бірінің өкшесін бірі басты. Бірінің артынан бірі жүрді.