ҚҰРБАН
[ араб тілі. ] зат есім.діни. 1. Құдайға құлшылық етудің бір амалы ретінде Аллаға арнап садақаға соятын мал, құдайы. 2. ауыспалы мағына. Асқақ, биік, асыл мақсатты орындау жолында жанын қиып, қаза болған адам. 3. ауыспалы мағына. Бір нәрсенің кесіріне қалған, жазықсыз жазым болған адам. 4. ауыспалы мағына. Жемтік. 5. ауыспалы мағына. Бір нәрсенің жолына арналған садақа; пида. 6. ауыспалы мағына. Шығын, зиян. Құрбан ай. діни. Құрбандық шалатын ораза айттан кейінгі құрбан айты болатын ай. Құрбан айт. діни. Зұлхиджа айының 10 күні басталып, 34 күнге созылатын, Меккеге қажыға бару аяқталар күні қажылық етушілердің Мина алқабында құрбандық шалу рәсімімен ерекшеленетін мұсылмандардың Аллаға құлшылық етіп, мал соятын басты мейрамының бірі [ Бұл күні әрбір мұсылман құрбандық шалып, Алладан құбылаға қарап құрбандықты қабыл алуды өтінеді. Діни ант бойынша шалынған құрбандықтың барлық еті кембағалдарға, пақырларға үлестіріледі, көп жағдайда еттің үштен бірі асылады, Құрбан айт мейрамында арнаулы мерекелік намаз оқылады ]. Құрбан айт мүбәрак [ мерек ] болсын! тілексөз. Құрбан айт мерекесімен құттықтағанда айтылатын тілек сөз. Құрбан болды [ етті, қылды ]. а) Алға қойған белгілі бір асқақ, биік мақсатты орындау жолында жанын қиды, пида етті. ә) Бір істің орындалуы, мақсатқа жету жолы үшін барын аямады. Құрбан терісі. Құрбандыққа сойылған малдың терісі. Құрбан [ құрбанға ] шалды. діни. Аллаға құлшылық етіп, соған арнап мақсатының орындалуын сұрап, мал сойды.