ҚАУ
зат есім. өсімдік. 1. Астық тұқымдасына жататын көпжылдық малазықтық шөптесін өсімдік. 2. Тығыз өскен қалың қау, қу шөп. // Қалың, ұйысқан, тығыз. // Көп, қалың, сансыз, шектен тыс көп. 3. жергілікті сөз. Үйілген шөптің немесе баубақшаның айналасына орнатылған қоршау. // Зор, мықты, күшті, таудай. 4. жергілікті сөз. Қураған бетеге. Қау басқан. Қау, шөп қалың өскен (жер). Қау болды. а) жергілікті сөз. Қауым болды. ә) Қамау, көкпар алып қашқан кісіні екінші жақ адамдарының қамажаулауы. б) Ұлғайды, үлкен болып көрінді. Қау бөрік. Даңғой, даурықпа, өркөкірек. Қауға тиген өрттей. Тым екпінді, қайсар, алғыр (адам). Қаудан шыққан өрт. Аяқ астынан болған бәле. Қау көкірек. Қолынан еш нәрсе келмейтін, бос кеуде, даурықпа, өркөкірек. Қау көрік. Даңғой, даурықпа. Қау құрақ. Қалың шөп, көк шалғын. Қау шеңгелдей. Қалың өскен шеңгел сияқты тікенекті шөптердей. Қау шөп. Қара суық ұрып, қыс түскен кездегі изен, жусан тәрізді қыр шөптері.